Sɛbra Tʋʋsgo
- Ad Krista a Zezi sẽn puk yɛl niyns sẽn da solg b nengẽ: Wẽnd n yeel-b tɩ b wilg b kambã bűmb ning waoonga sẽn zoe n seglã; b sõgna Zã nengẽ, la bãmb meng tʋm b Malɛka;[1]
- la sɩd yaa Wẽnd Koɛɛga ne Krista meng kaseto la a Zã paam yã ne a sẽn yãend bűmb ninga fãa.[2]
- Sű-noog soab la ned ninga sẽn karm-a bɩ sẽn kelg-a goama sẽn ya bãngr goama la a bĩng-ba a sűurẽ; ad-y Soaala Waoong yaoome.
- Maam a Zã n pʋʋsd Azi Tigengu sẽn sẽeg tẽns a yopoe wã. Bɩ y paam bark la laafi, Pĩnd ne Rűnda la Beoog soaba maasem yĩnga; malɛgs a yopoe, sẽn yeg-b zaoorã maasem yĩnga,
- la a Zezi Krista maasem yĩnga; bãmb la kaset sɩd soaba, a Adem buud bi-kẽeng la dűni dĩm dãmb Dĩma: bãmb n nong-do, la b waas d yel-wẽna rẽgdo ne bãmb meng zɩɩm.
- Bãmb n kɩt tɩ tõnd lebg maan-kʋʋdb buudu, b Wẽnnaam la b Ba yĩnga; bãmb bal n tar ziir la naam, marsã la daar fãa. Ami!
- Ad-b sẽn wat sawadg zugu tɩ ned kam fãa na n yãend-ba, ba neb niyns sẽn kõs-b ne kãndã; Adem biis fãa na n kaasa b poorẽ. N-ye! Sɩd ne sɩda!
- Ad Soaala Wẽnnaam sẽn yeele: (Yaa maam la Sɩngre la Baasgo!) Maam la Zaamẽ, Rűnna la Beoog Soaba: bűmb fãa Soaala!
- Maam a Zã, yãmb saam-biiga, sẽn naaga yãmb n nams a Zezi yĩnga, n nams b Rĩunga yĩnga, n ka bas raood ne bãmb pʋgbã,
- Ad-y m da bee tẽng a ye sẽn puk mogr sʋka, la sẽn boond tɩ Patmos, Wẽnnaam Gomdã la Krista kaset yĩnga. La mam yama fʋsga mam yĩnga daar a ye, Soaala raare, la m wʋma koɛɛg sẽn tãs m poorẽ wala tõntõogo:
- «Fo sẽn ne bűmb ningã bɩ f gʋls-a sebr pʋgẽ n tool Tigenga tẽns a yopoe wã: Efɛɛz, Smirn, Pergam, Tiyatir, Sard, Filadelfi la Laodise.»
- La mam sẽn wẽneg m poorẽ tɩ m na n bãng koɛɛga sẽn yitẽ, mam yãee fitils a yopoe sẽn bolg sãnem,
- B ra gűbga Ned Biiga sẽn yer fu-woko, tɩ sãnem sẽbdg be b sɛɛgẽ.
- Ned Biiga zug ra yaa pɛɛlga wa pe-kõbdo bɩ lamdo. B nina da zirda wa bugum.
- B naoã da pɩnda wa zűudu sẽn yẽneg boaagẽ, la b koɛɛga ra sãta wa ko-wi kẽems rãamde.
- B rɩtg nug ra zãada ãds a yopoe, la sʋ-sɩleng sẽn dɩt a noya a yiiba fãa n da be b noorẽ. B nenga ra yãgda wa wĩntoogo sẽn yãgd wĩnto-sʋka.
- La mam sẽn yãe woto, mam lʋɩɩ vãna, bãmb taoore, wala m kiime; la b tika maam ne b rɩtg nugu la b yeelame: «Da zoe rabeem ye, yaa maam, Pipi soaba la Yaoolem soaba, Vɩɩm soaba.
- M da kiime la ad-m sẽn le vɩ vɩɩm sẽn kõn sɛ; maam n tar Kűum loko la m zãad bʋg-tẽng kʋɩlen-bila.
- Bɩ f gʋls fo sẽn ne rűnna wã la fo sẽn na n yaool n yãend nindaare.
- Sã n ya ãds a yopoe wã fo sẽn yãe m dɩtg nugẽ, ne sãnem fitils a yopoe wã, ad-b võore: ãds a yopoe wã yaa m Tigenga sẽn sẽeg tẽns a yopoe wã Malɛgse, la sãnem fitils a yopoe wã makda Tigenga tẽns a yopoe wã.[3]